ALF

Academia Latinitati Fouendae (ALF) est sodalitas omnium gentium, anno MCMLXVII condita, cuius socii sunt praeclari Philologiae Latinae professores et sermonis Latini fautores. Praecipuum Academiae propositum est per libros et commentarios editos et conuentus celebratos quoduis inceptum ad cognitionem linguae, litterarum, cultus ciuilis Latini promouere et amplificare.

Ab anno MCMLXVI conuentus Academiae internationales habiti sunt Romae in Italia, Bucarestini in Dacia, in insula Melita quae hodie Malta appellatur, Dacariae in Senegalia, Augustae Treuerorum in Germania Foederata, Dunelmi in Anglia, Erfordiae et Berolini in Germania Democratica, Antuerpiae et Louanii in Belgio, Graniuici in Finnia, Matriti in Hispania, in quos homines ex omnibus orbis terrarum continentibus oriundi conuenerunt (www.tekhnai.es/alfconventus/).

Academia sedem habet Romae ad uiam Turris Rubrae: Via di Torre Rossa, 2, I-00165 Roma (www.academialatina.org).