RATIO

Sessiones Latine habebuntur atque hac ratione: Principalibus orationibus minutae XL, acroasibus autem minutae XX tribuentur, quas singulas breuia colloquia sequentur.

Qui autem acroasin legere cupiuerit, seu de actiua institutione seu de quolibet argumento ad linguam litterasque Latinas pertinente, ante mittat, quaesumus, acroaseos titulum et Latinam uernaculamque argumenti descriptionem quindecim lineis comprehensam necnon schedam, in qua sit nomen inscriptum una cum aliis indiciis.

Praeterea quicumque nomen dabit et conuentum adibit testimonio donabitur. Orationes denique et acroases a collegio doctorum probatas publici iuris fient.

Omnes participes Matritensis ALF Internationalis Conventus X Acta accipient.

Participibus enixe suademus, ut quam primum nomen deuersoriis suum dent, ne difficultas postea quaecumque exoriatur.