Iovis die petivimus novam conventus sedem, quae erat in aedibus veteris scholae in Museum Regionis Montsia transformatae; ibi sessiones habebantur in moderno oeco aere temperato instructo.
 |
 |
 |
| Demetrius Koutroubas | Maria Patricia Villaseñor | Paulus López |
Post orationem Demetrii Koutroubas, universitatis Atheniensis professoris, c.t. «Civitas democratica universalis humanitate Graeco-Romana et Christiana nixa», duos oratores Americanos auscultavimus; Maria Patricia Villaseñor Cuspinera, Universitatis Nationalis Mexicanae profestrix, «Ad linguam Latinam docendam in Universitate Nationali Autonoma Mexicana» quid ageret narravit et Terentius Tunberg, universitatis Kentuckianae professor, orationem habuit c.t. «Quamdiu quamque constanter humanistae Ciceroniani se secernebant a consuetudine Latine et ex tempore sermocinandi, quae praecipue in litterarum ludis s. XVI et XVII colebatur?».
 |
 |
 |
| Terentius Tunberg | Colloquium | Auditores |
Deinde, hora prima, colloquium palam factum est inter magistros de novis rationibus, quibus alumni sermone Latino erudiri possint; inter hos magistros optime locuta est Virpi Seppälä-Pekkanen.
Post prandium audivimus orationem Theoderici Sacré, Universitatis Catholicae Lovaniensis professoris, c.t. «Quid sit Lipsiane scribere sive de Iusti Lipsii dicendi genere».
 |
 |
 |
 |
| Theodericus Sacré | A. Gratius Avitus | Victorius Ciarrocchi | Andreas Fritsch |
Inter acroases deinde factas, duae spectabant ad necessariam institutionem extrascholarem linguae Latinae; A. Gratius Avitus locutus est «De viva lingua Latina per rete docenda» et Victorius Ciarrocchi «De grege Latine loquentium». Ultimus verba fecit Andreas Fritsch, Liberae Universitatis Berolinensis professor et praeses Societatis Comenianae, dicens «Ioannis Amos Comenii Opera didactica omnia ante CCCL annos primum edita nunc denuo in memoriam revocanda ac relegenda esse».
 |
 |
 |
| Cena Ampostina | ||
 |
 |
 |
| Cena Ampostina | ||